As I was walking all alane
I spied twa corbies makin mane
And tane unto the tither did say-o:
"Where shall we gang and dine the day-o?
Where shall we gang and dine the day?"
"In behind yon old fail dyke
In wot ther lies a new-slain knight.
Naebody kens that he lies ther-o
But his hawke and his hound and his lady fair-o!
His hawke and his hound and his lady fair!"
"His hound has to the hunting gane,
His hawk to fetch the muir-fowl hame.
His lady's ta'en anither mate-o!
We shall make our diners well-o!
We shall make our diners well!"
"Ye'll light upon his white haus-bane,
And I'll pyke out his bonny blue e'en.
Wi many a lock o' his yellow hair-o,
We'll theek our nest where it grows bare-o!
We'll theek our nest where it grows bare!"
"Many a ane for him makes mane,
But nane shall ken whar he has gane.
O'er his white banes when they are bare-o,
The wind shall blaw for ever mair-o!
The wind shall blaw for ever mair!"